DAVLAT GRANTLARINING TADBIRKORLIK RIVOJIGA TA'SIRI

Annotatsiya. Mazkur tezisda davlat grantlarining tadbirkorlik faoliyatini boshlash, mavjud biznesni kengaytirish, innovatsion g‘oyalarni tijoratlashtirish va yangi ish o‘rinlari yaratishdagi o‘rni tahlil qilinadi. Davlat grantlari qaytarib berilmaydigan moliyaviy ko‘mak sifatida tadbirkorlarning boshlang‘ich kapitalga bo‘lgan ehtiyojini kamaytirishi, xususiy investitsiyalarni jalb etishga turtki berishi va ijtimoiy guruhlarning biznesga kirish imkoniyatini kengaytirishi asoslab beriladi. O‘zbekistonda yoshlar, xotin-qizlar va innovatsion loyihalarni qo‘llab-quvvatlashga qaratilgan amaldagi mexanizmlar hamda xalqaro tajribadagi empirik natijalar yoritiladi. Shuningdek, grantlarning samaradorligini oshirish uchun tanlov mezonlari, monitoring, biznes ta’limi va natijadorlikni baholash tizimini kuchaytirish bo‘yicha takliflar ilgari suriladi.