IMOM AL-BUXORIY ASARLARI VOSITASIDA TALABALARDA MILLIY IFTIXOR TUYG'USINI RIVOJLANTIRISH METODIKASI

Mazkur maqolada Imom al-Buxoriy ilmiy-diniy merosining, xususan "Al-Jome' as-sahih" asarining, oliy ta'lim muassasalarida talabalarda milliy iftixor tuyg'usini shakllantirishdagi pedagogik salohiyati ilmiy tahlil qilinadi. Muallif vatanparvarlik, sadoqat va mehnatsevarlik g'oyalarining hadislardagi ifodasini kognitiv, affektiv va konativ bosqichlar nuqtai nazaridan yoritadi hamda matn tahlili, qiyosiy seminar, loyiha metodi, muammoli ta'lim, guruhli muhokama, rolli o'yin va keys-stadi kabi interfaol usullarga asoslangan kompleks metodikani taqdim etadi. Tajriba-sinov natijalari ushbu metodikadan foydalanilgan guruhlarda talabalarning milliy merosga ongli munosabati va milliy iftixor ko'rsatkichlari nazorat guruhlariga nisbatan sezilarli darajada yuqori bo'lganini tasdiqlaydi.