IJTIMOIY MUNOSABATNI IFODALOVCHI MAQOLLARNING QIYOSIY TAHLILI: ARAB VA O'ZBEK TILLARI MISOLIDA

Mazkur tezisda arab va o‘zbek tillarida ijtimoiy munosabatlarni ifodalovchi paremiologik birliklarning qiyosiy-lingvomadaniy xususiyatlari tahlil qilinadi. Maqol va matallarda insonlararo munosabat, do‘stlik, qo‘shnichilik, oila, hamkorlik, o‘zaro hurmat va jamiyatdagi shaxslararo aloqalarning ifodalanish usullari yoritiladi. Arab va o‘zbek paremiologik birliklarining mazmuniy jihatdan umumiy tomonlari bilan bir qatorda, ularning milliy-madaniy tafovutlari ham ko‘rsatib beriladi. Tahlil natijasida ayrim paremiologik birliklarda umumiy insoniy qadriyatlar mushtarak tarzda ifodalansa, ularning obrazli va semantik shakllanishida har bir xalqning tarixiy tajribasi, urf-odati va dunyoqarashi muhim o‘rin tutishi aniqlanadi.