MOLIYAVIY NATIJALAR HISOBI: MILLIY VA XALQARO STANDARTLAR ASOSIDA SHAKLLANTIRISH MASALALARI

Annotatsiya: Maqolada xo‘jalik yurituvchi subyektlarda moliyaviy natijalar hisobini yuritishning nazariy va amaliy masalalari moliyaviy hisobotning xalqaro standartlariga (MHXS) o‘tish sharoitida tadqiq etilgan. Buxgalteriya hisobining milliy standartlari (BHMS) hamda 1-son MHXS (IAS 1), 15-son MHXS (IFRS 15), 12-son MHXS (IAS 12) va 18-son MHXS (IFRS 18) talablari qiyosiy tahlil qilinib, daromad va xarajatlarni tan olish, tasniflash hamda “Moliyaviy natijalar to‘g‘risidagi hisobot”ni shakllantirish tartibidagi o‘xshash va farqli jihatlar ochib berilgan. 9000-guruh hisobvaraqlarida operatsiyalarni aks ettirish va “Yakuniy moliyaviy natija” hisobvarag‘ini yopishning shartli misoli keltirilgan. Milliy hisob amaliyotini xalqaro standartlarga yaqinlashtirish bo‘yicha amaliy takliflar ishlab chiqilgan.