NERV IMPULSLARINING TARQALISH MEXANIZM
收藏资源简介：
Ushbu maqolada nerv impulsining hosil bo‘lishi, tarqalishi va sinaps orqali uzatilish mexanizmlari yoritilgan. Neyronlarda elektr zaryadlarining o‘zgarishi natijasida hosil bo‘ladigan harakat potentsiali asab tizimi faoliyatining asosini tashkil etadi. Tinchlik potentsiali davrida natriy-kaliy nasosi yordamida membrana zaryadi barqaror saqlanadi, tashqi ta’sir natijasida esa depolyarizatsiya yuz berib, harakat potentsiali shakllanadi. Miyelinli tolalarda impuls Ranvier tugunlari orqali sakrab o‘tadi va yuqori tezlikda tarqaladi, miyelinsiz tolalarda esa ketma-ket depolyarizatsiya orqali sekinroq o‘tadi. Akson uchiga yetgan impuls sinaps orqali keyingi neyron yoki effektor organga uzatiladi. Bu jarayonda kaltsiy ionlari va neyrotransmitterlar (atsetilxolin, dopamin, serotonin) muhim rol o‘ynaydi. Nerv impulsining bu ketma-ket jarayonlari organizmda sezgi, harakat va refleks faoliyatlarining muvofiqligini ta’minlaydi.
