SUN'IY INTELLEKT ORQALI YARATILGAN NOQONUNIY KONTENTGA NISBATAN JINOIY-PROTSESSUAL MEXANIZMLAR: NAZARIYA VA AMALIYOT

Ushbu maqola sun’iy intellekt (SI) vositasida yaratilgan noqonuniy kontentga nisbatan qo‘llaniladigan jinoiy-protsessual mexanizmlarni ko‘rib chiqadi. Unda SI tomonidan yaratilgan g‘ayriqonuniy materiallarga oid huquqiy asoslarning nazariy negizlari va amaliy qo‘llanilishi tahlil qilinadi. Raqamli makonda javobgar shaxslarni aniqlash, raqamli dalillarni to‘plash, ularning huquqiy maqomini belgilash va inson huquqlarini ta’minlash masalalariga alohida e’tibor qaratilgan. Tadqiqot O‘zbekiston Respublikasining amaldagi qonunchiligini, shu jumladan Jinoyat-protsessual kodeksini va SI ni tartibga solishga qaratilgan qonun loyihalarini tahlil qilib, SI asosidagi jinoiy faoliyatga qarshi samarali kurashish maqsadida mavjud protsessual normalarni takomillashtirish bo‘yicha aniq takliflar ilgari suradi.