YEVROPA ITTIFOQIDA RASMIY ELEKTRON SERTIFIKATLASH TIZIMIGA QO'YILADIGAN TALABLAR

Mazkur maqolada Yevropa Ittifoqida veterinariya, fitosanitariya hamda oziq-ovqat va ozuqa xavfsizligi sohasida qo‘llaniladigan rasmiy elektron sertifikatlash tizimining asosiy talablari tahlil qilinadi. Xususan, vakolatli mansabdor shaxsning elektron imzosi hamda sertifikat beruvchi organning ilg‘or yoki malakali elektron muhrining huquqiy va amaliy ahamiyati ochib beriladi. Shuningdek, Yevropa Ittifoqiga import, Yevropa Ittifoqi ichidagi savdo va Yevropa Ittifoqidan eksport jarayonlarida qo‘llaniladigan veterinariya va fitosanitariya sertifikatlari tizimli ravishda tasniflanadi. Tadqiqot natijalari elektron hujjat aylanishi orqali transchegaraviy savdoni soddalashtirish va nazorat samaradorligini oshirishga xizmat qiladi.