TEKISLIKDA VA TOG'LI MENTAQADA JOYLASHGAN SUV OMBORLAR SUV YUZASIDAN BO'LAYOTGAN BUG'LANISHNI OYLIK HISOBIY KATTALIGINI ANIQLASHTIRISH (TALIMRJON VA HISORAK SUV OMBORLAR MISOLIDA)

Suv omborlarida shamol tezligi bilan bog‘liq bo‘lgan omillarni, ya’ni to‘lqin balandliklarini, suv sathidan bo‘ladigan bug‘lanishni va hakozalarni aniqlash uchun bevosita suv omborida shamol tezligini aniqlash lozim, agar bevosita suv omborida shamol tezligin aniqlash bo‘yicha kuzatuvlar olib borilmagan bo‘lsa, yaqin oradagi meteostansiya ma’lumotlaridan foydalanish lozim. Bunda albatta suv ombori va meteostansiya joylashgan xududlardagi shamol tezliklari orasida korrelyatsion bog‘lanish bo‘lishi shart. Shundan so‘ng suv ombori xududi uchun hisobiy shamol tezligi hisoblanadi.

Mazkur jarayonni o‘rganish uchun bir vaqtning o‘zida Xissarak suv ombori va Shaxrisabz meteostansiyasi, Talimarjon suv ombori va Qarshi meteostansiyasida shamol tezliklarini o‘lchash ishlari olib borildi[1].

Suv ombori va meteostansiyada shamol tezliklarini o‘lchash nafaqat bir paytning o‘zida balkim meteostansiyada kuzatilgan shamol o‘zgarishidan 1 soat oldingi, 0.5 soat oldingi va 10 minut oldingi va shuningdek meteostansiyada kuzatilgan shamol o‘zgarishidan 10 minut keyingi, 0.5 soat keyingi va 1 soat keyingi vaqtlardagi shamol tezliklari ham kuzatib borildi.