ILLOKUTIV AKTNING IFODALANISHIDA SUPERSEGMENT STILISTIK VOSITALARNING VAZIFASI

Ushbu maqolada illokutiv aktning ifodalanishida supersegment stilistik vositalarning vazifasi tahlil qilinadi. Nutq akti nazariyasiga ko‘ra, gap faqat ma’lumot beribgina qolmay, so‘zlovchining maqsadini ham ifodalaydi; bu maqsad esa ko‘pincha leksik birliklar bilan emas, balki intonatsiya, mantiqiy urg‘u, pauza, temp va tembr kabi supersegment vositalar orqali namoyon bo‘ladi. Tadqiqotda bir xil gapning supersegment vositalarga qarab turli illokutiv kuch, ya’ni buyruq, iltimos, so‘roq, kinoya, ta’na kasb etishi misollar asosida ko‘rsatib beriladi. Tahlil jarayonida badiiy matndan olingan misol ham pragmalingvistik jihatdan o‘rganiladi.