SUN'IY NEYRON TARMOQLAR ASOSIDA TEXNOLOGIK OBYEKTLARNING ADAPTIV BOSHQARISH TIZIMINI SINTEZLASH ALGORITMLARI

Ushbu maqolada chiziqli bo‘lmagan va parametrlari noaniq bo‘lgan texnologik obyektlarni boshqarishda sun’iy neyron tarmoqlariga (SNT) asoslangan adaptiv boshqarish tizimlarini sintezlash algoritmlari tadqiq etilgan. Obyekt parametrlarining vaqt bo‘yicha dinamik o‘zgarishi va tashqi shovqinlar sharoitida tizimning turg‘unligi hamda aniqligini ta’minlash uchun to‘g‘ridan-to‘g‘ri va teskari neyro-adaptiv boshqaruv tuzilmalari tahlil qilingan. Neyron tarmoq vazn koeffitsiyentlarini real vaqt rejimida (online) moslashtirish uchun gradiyent tushish va Levenberg-Marquardt algoritmlarining modifikatsiyalari taklif etilgan. Simulyatsiya natijalari an’anaviy PID regulyatorlariga qaraganda neyro-adaptiv tizimning yuqori dinamik xarakteristikalarga ega ekanligini ko‘rsatdi.