OVQATLANISH HOLATINI BAHOLASHDA TANA MASSASI INDEKSI VA BIOELEKTRIK IMPEDANS TAHLILINING INTEGRATSIYALASHGAN QO'LLANILISHI

Aholining ovqatlanish holatini baholash sog‘liqni saqlash tizimida muhim epidemiologik va gigiyenik masalalardan biri hisoblanadi. Tana massasi indeksi (BMI) va bioelektrik impedans tahlili (BIA) kabi antropometrik va instrumental usullar semizlik, sarkopeniya va metabolik buzilishlar xavfini aniqlashda keng qo‘llanilmoqda. Ushbu maqolada turli populyatsiyalarda ovqatlanish holatini baholashning zamonaviy metodologik asoslari, BIA usulining diagnostik qiymati hamda ishchilar salomatligi va mehnat unumdorligiga ta’siri tahlil qilinadi. Tadqiqot natijalari ovqatlanish nomutanosibligi kasb kasalliklari, yuqumli bo‘lmagan kasalliklar va metabolik sindrom rivojlanishiga olib kelishini ko‘rsatadi. BIA texnologiyalarini birlamchi profilaktika va skrining amaliyotiga keng joriy etish sog‘liqni saqlash samaradorligini oshirishda muhim ahamiyatga ega.