"MAHALLA, MAKTAB VA OILA HAMKORLIGINI METODIK BOSHQARISHDA STRATEGIK INSON RESURSLARINI BOSHQARISH KONSEPSIYASINING O'RNI VA AHAMIYATI"

Mazkur maqolada zamonaviy globalizatsiya va raqamli iqtisodiyot sharoitida inson resurslarini boshqarish (IRB) tizimining strategik ahamiyati yoritilgan. Inson kapitali tashkilotning asosiy aktivi sifatida talqin qilinib, an’anaviy boshqaruv yondashuvlaridan strategik va kompetensiyaviy boshqaruv modeliga o‘tish zarurati asoslab berilgan. IRBning rejalashtirish, tanlash, o‘qitish va rivojlantirish, baholash hamda rag‘batlantirish kabi asosiy funksiyalari tashkilot samaradorligi va raqobatbardoshligini oshirishdagi muhim omil sifatida tahlil qilingan. Shuningdek, maqolada inson resurslarini boshqarish tamoyillarining ta’lim va ijtimoiy tizimlarga, xususan, mahalla–maktab–oila hamkorligini metodik boshqarish jarayoniga tatbiq etish imkoniyatlari ko‘rib chiqilgan. Strategik yondashuv, kompetensiyaviy boshqaruv, motivatsiya tizimi, raqamli texnologiyalar va monitoring mexanizmlarining mazkur hamkorlik samaradorligini oshirishdagi o‘rni ilmiy jihatdan asoslab berilgan.