O'ZBEK TILIDA SO'ZLASHUVCHILAR UCHUN KOREYS TILIDAGI HURMAT SHAKLLARI (존댓말)NI O'ZLASHTIRISHDAGI QIYINCHILIKLAR

Ushbu maqolada koreys tilini chet tili sifatida o’rganayotgan o’zbek tilli talabalarning koreys hurmat shakllari (honorifiklar) tizimini o’zlashtirish jarayonida duch keladigan asosiy qiyinchiliklari qiyosiy-tipologik tahlil asosida ko’rib chiqiladi. Koreys tili nutq darajalari, maxsus fe’l va ot shakllari hamda -시- morfemasi orqali grammatik jihatdan qat’iy tizimlashtirilgan hurmat kategoriyasiga ega bo’lib, bu jihat o’zbek tilida grammatik emas, balki asosan leksik-pragmatik vositalar (siz/sen farqi, qarindoshlik unvonlari) orqali ifodalanadi. Ushbu tizimiy farq o’zbek tilli o’quvchilar uchun bir qator interferensiyaga asoslangan xatolarni keltirib chiqaradi. Maqolada bunday xatolarning asosiy turlari tasniflanadi va ularni bartaraf etish yuzasidan metodik tavsiyalar taklif etiladi.