CHO'LPON IJODIDA ERKINLIK KONSEPTI VA INSON RUHIYATI: BADIIY-FALSAFIY TAHLIL

Ushbu maqolada Cho‘lpon ijodida erkinlik konsepti va inson ruhiyati badiiy-falsafiy jihatdan tahlil qilinadi. Tadqiqotda adib asarlarida erkinlik g‘oyasining ikki yo‘nalishda — ijtimoiy-siyosiy va ichki ruhiy erkinlik shaklida namoyon bo‘lishi yoritiladi. Shuningdek, qahramonlarning ichki kechinmalari, psixologik ziddiyatlari hamda jamiyat bosimi ostidagi ruhiy holati tahlil etiladi. Maqolada badiiy matnlarni tahlil qilish, qiyosiy va psixologik yondashuvlardan foydalanilgan. Tadqiqot natijasida Cho‘lpon ijodida erkinlik tushunchasi insonning ichki olami bilan uzviy bog‘liqligi va uning zamonaviy jamiyat uchun dolzarbligi asoslab beriladi.