YUQORI INSTANSIYA SUDLARIDA HUKUMNI BEKOR QILISH VA O'ZGARTIRISHNING JINOYAT PROTSESSUAL ASOSLARI

Mazkur maqolada yuqori instansiya sudlarida jinoyat ishlari bo‘yicha chiqarilgan hukmlarni bekor qilish va o‘zgartirishning jinoyat-protsessual asoslari tahlil qilinadi. Unda sud hukmining qonuniyligi, asosliligi va adolatliligini ta’minlashda apellyatsiya va kassatsiya instansiyalarining o‘rni, hukmni bekor qilish yoki o‘zgartirishga sabab bo‘luvchi protsessual hamda moddiy-huquqiy xatolar ko‘rib chiqiladi. Shuningdek, sud amaliyotida uchraydigan muammolar va yuqori instansiya sudlarining vakolatlarini samarali amalga oshirish masalalariga e’tibor qaratiladi.