YAPONIYA TASHQI SIYOSATIDA MARKAZIY OSIYONING OʻRNI: STRATEGIK YONDASHUVLAR

Mazkur maqolada Yaponiyaning Markaziy Osiyoga nisbatan tashqi siyosati shakllanishi va rivojlanish bosqichlari ilmiy jihatdan tahlil qilinadi. Tadqiqotda Yaponiyaning Markaziy Osiyo davlatlari bilan diplomatik, iqtisodiy, madaniy va geosiyosiy hamkorligining asosiy yo‘nalishlari yoritilgan. Shuningdek, “Yevroosiyo diplomatiyasi”, “Ipak yo‘li diplomatiyasi” hamda “Markaziy Osiyo + Yaponiya” muloqot formati doirasidagi tashabbuslarning mintaqaviy siyosatdagi o‘rni ochib beriladi. Maqolada Yaponiya tashqi siyosatining evolyutsiyasi turli olimlarning yondashuvlari asosida bosqichma-bosqich tahlil qilinib, Tokioning mintaqadagi strategik manfaatlari, energetik xavfsizlik, iqtisodiy hamkorlik va “yumshoq kuch” diplomatiyasi masalalari yoritiladi. Tadqiqot natijalari Yaponiya Markaziy Osiyoda barqarorlikni ta’minlash va uzoq muddatli strategik hamkorlikni rivojlantirishga intilayotganini ko‘rsatadi.