"RAQAMLI O'ZBEKISTON-2030" STRATEGIYASI DOIRASIDA LOYIHA PORTFELINI BOSHQARISHDA SUN'IY INTELLEKT QO'LLASH ISTIQBOLLARI: NAZARIY VA AMALIY TAHLIL

Mazkur maqolada loyiha portfelini boshqarishda sun'iy intellekt (AI) va ko'p mezonli qaror qabul qilish (MCDM) metodlarining qo'llanilishi bo'yicha jahon ilmiy adabiyotlari tanqidiy tahlil qilingan hamda "Raqamli O'zbekiston-2030" strategiyasi doirasidagi 200 dan ortiq IT-loyihani boshqarish kontekstida amaliy istiqbollar ko'rib chiqilgan. Tahlil natijasida besh nazariy yo'nalishning — klassik portfel nazariyasi, MCDM, optimallashtirish, qaror nazariyasi va sun'iy intellekt nazariyasi — integratsiyasiga zarurat aniqlandi. Sohrabi va boshqalar (2020) bibliometrik bazasidagi 1820 ta maqolaning faqat 4 tasi LLM va portfel tanlash kombinatsiyasiga bag'ishlangani, mahalliy O'zbekiston kontekstida esa empirik tadqiqotlar deyarli mavjud emasligi qayd etilgan. Maqolaning amaliy hissasi sifatida bank, telekommunikatsiya va davlat IT sektorlari uchun AI-asosli portfel boshqaruvini joriy etish bo'yicha to'rt bosqichli tavsiyalar to'plami taklif etiladi.