MULOQOT MADANIYATI ORQALI TALABALARDA AXLOQIY FAZILATLARNI RIVOJLANTIRISH

Mazkur ilmiy maqolada oliy ta’lim muassasalarida muloqot madaniyatining talaba shaxsini har tomonlama, xususan ma’naviy-axloqiy jihatdan shakllantirishdagi o‘rni keng qamrovda yoritiladi. Tadqiqot pedagogik nazariya va amaliyot hamda islom ta’limoti asosida olib borilib, muloqot jarayonining talabalarda hurmat, mas’uliyat, halollik, vijdonlilik, sabr-toqat, bag‘rikenglik, adolat, hamkorlik va ijtimoiy faollik kabi axloqiy fazilatlarni rivojlantirishdagi ahamiyati chuqur tahlil qilinadi. Maqolada o‘qituvchi–talaba va talaba–talaba o‘rtasidagi muloqotning tarbiyaviy imkoniyatlari, zamonaviy raqamli ta’lim muhitida muloqot madaniyatining axloqiy jihatlari, shuningdek Qur’oni karim oyatlari va Payg‘ambarimiz Muhammad sollallohu alayhi vasallamning sahih hadislarida bayon etilgan muomala odobi yoritib beriladi.