KK2-0259 - Wunpawng sha ni yu hkrat wa ai lam (Migration)

Transcription (La Ring) E ya ndai wo ra Duwa Hpaugan Naw Li ka tawn da ai laika hta gaw anhte Jinghpaw ni gaw Mongolia kaw na yu wa ai. Mongolia kaw na yu wa ai gaw ndai e "Shwe Kyi Na Aik Hkaw Taw Hpaya" gawkngu a labau hpe ka da ai "Anaw Yahta" hkaw hkam a prat kaw e A.D hkying mi sumshi matsat aten hta e Manmaw ga de e Tulin Zaw Bwar ngu ai wa up ai nga tsun ai. E hkying mi lahkawng tsa matsat shi masum hta e Mongo Miwa ni shang wa nna majan byin ai lam tsun ai. Rai yang gaw ya anhte Jinghpaw ni gaw A.D matsat tsa ning hta ya na ndai Miwa mung kata de e shang wa sai ngu na tsun ai. Rai na A.D jahku tsa sumshi hkan e Loi Lung bum de e du shang wa sai nga na ndai Dukaba Naw Li ka da ai labau laika kaw dai hku tsun ai. Rai yang gaw ndai A.D jahku tsa sumshi kaw e Loi Lung bum de e shawng du wa ai ni gaw Aura Lahpai ni re ai ngu ai. Ya ndai kaw e Loi Lung bum kaw shawng e du taw ai e ndai Sam ni ngu ga le ndai ni hte e majan byin ai lam hpe e dai laika hta e ka da ai. E ndai shaning aten hku na tsun ga nga jang gaw e moi na kaji kawa ni ka da ai laika hta e dai hku ka da ai ngu le i. . Language as given: Jinghpaw