SAMARQAND DAVLAT CHET TILLAR INSTITUTI

Ushbu maqolada zamonaviy fransuz tilida ingliz tilidan o‘zlashgan so‘zlar (anglisizmlar) ning lingvistik xususiyatlari, ularning tilda tutgan o‘rni va funksional taraqqiyoti tahlil qilinadi. Tadqiqot doirasida anglisizmlarning fransuz tili leksik-semantik tizimiga kirib borish yo‘llari, fonetik, morfologik va grafik moslashuv jarayonlari yoritib berilgan. Maqolada o‘zlashma so‘zlarning mavzuiy tasnifi (texnologiya, biznes, sport, ommaviy madaniyat) ko‘rib chiqilib, ularning fransuz tilidagi ekvivalentlar bilan raqobati yoki sinonimik qator hosil qilishi tahlil etilgan. Shuningdek, anglisizmlarning fransuz tili grammatikasi va uslubiyatiga ta’siri, ularning stilistik bo‘yoqlari (neytral, kolloqial, professional) va fransuz tili puristlari tomonidan ularga bo‘lgan munosabat masalalari tadqiq qilingan. Tadqiqot natijalari shuni ko‘rsatadiki, ingliz tilidan o‘zlashgan so‘zlar fransuz tilining lug‘at tarkibini boyitish bilan birga, tilning o‘z ichki imkoniyatlari asosida fonetik va morfologik jihatdan transformatsiyaga uchramoqda.