MINTAQAVIY BARQARORLIKDA KICHIK VA O'RTA TADBIRKORLIKNI RIVOJLANTIRISH YONDASHUVLARI

Ushbu tezisda mintaqa iqtisodiy tizimi barqarorligini ta’minlashda kichik va o‘rta tadbirkorlikni (KO‘B) rivojlantirishning zamonaviy yondashuvlari ko‘rib chiqilgan. Institutsional-huquqiy, moliyaviy-kredit, klaster va raqamli-infratuzilma yondashuvlari tahlil qilinib, ularning O‘zbekiston sharoitidagi amaliy natijalari statistik ma’lumotlar asosida baholangan. Tadqiqot natijalariga ko‘ra, 2022–2024-yillarda kichik biznesning yalpi ichki mahsulotdagi ulushi 53 foizdan 54,3 foizga oshgan va 2026–2027-yillarga 270 trln so‘mlik davlat qo‘llab-quvvatlashi rejalashtirilgan bo‘lsa-da, mintaqalar kesimida tadbirkorlik faolligida sezilarli tafovutlar saqlanib qolmoqda. Tezis yakunida to‘rtta yondashuvni uyg‘unlashtirgan kompleks siyosat modeli taklif etilgan.