Biologik kimyo va farmatsevtika kafedrasi o'qituvchi

Autizm spektr buzilishlari bolalik davrida uchraydigan murakkab neyro-rivojlanish buzilishlari bo‘lib, ijtimoiy muloqot, nutq, xulq-atvor va sensor integratsiyaning izdan chiqishi bilan tavsiflanadi. So‘nggi o‘n yilliklarda Autizm spektr buzilishlari tarqalishining global miqyosda ortib borayotgani ushbu holatni erta aniqlash, xavf guruhlarini belgilash va erta aralashuv strategiyalarini ishlab chiqishni zamonaviy pediatriya, bolalar nevrologiyasi va psixiatriyasining ustuvor yo‘nalishiga aylantirdi. Autizm spektr buzilishlarining epidemiologiyasi, etiopatogenezi, klinik namoyon bo‘lishi, erta skrining va diagnostika usullari, shuningdek, erta tashxis va reabilitatsiyaning ilmiy asoslangan samaradorligi keng qamrovli tahlil qilindi.