MAKTAB RAHBARLARI FAOLIYATIDA INSON OMILIGA ASOSLANGAN BOSHQARUVNING AHAMIYATI

Mazkur maqolada maktab rahbarlari faoliyatida inson omiliga asoslangan boshqaruvning mazmuni, mohiyati va ta’lim tizimidagi ahamiyati keng yoritilgan. Zamonaviy ta’lim muassasalarida boshqaruv samaradorligini oshirishda pedagogik jamoa bilan ishlash madaniyati, kommunikativ yondashuv, liderlik, motivatsion boshqaruv va strategik fikrlashning o‘rni ilmiy manbalar asosida tahlil qilindi. Shuningdek, inson omiliga asoslangan boshqaruvning ta’lim sifati, pedagoglar faoliyati va jamoaviy muhitga ta’siri ochib berildi. Tadqiqot davomida xorijiy va mahalliy olimlarning ilmiy qarashlari tahlil qilinib, zamonaviy maktab boshqaruvida inson kapitalining muhim strategik omil ekanligi asoslandi.