YURAK-QON TOMIR TIZIMI KASALLIKLARINING ETIOPATOGENEZI

Ushbu maqolada global va mintaqaviy sog‘liqni saqlash tizimining dolzarb muammosi — yurak-qon tomir kasalliklarining (YuQTK) zamonaviy etiopatogenezi va genetik asoslari tadqiq etiladi. Tadqiqotda aterosklerozning molekulyar rivojlanish bosqichlari bilan bir qatorda, LDLR, ENaC va SCN5A kabi genlardagi mutatsiyalarning kasallik shakllanishidagi o‘rni tahlil qilingan. Maqolaning o‘ziga xosligi shundaki, unda xavf omillarini kompleks nazorat qilishga qaratilgan "Polipill" strategiyasining tibbiy-biokimyoviy samaradorligi O‘zbekiston populyatsiyasi ehtiyojlari nuqtayi nazaridan asoslab beriladi. Tahlillar shuni ko‘rsatadiki, individual genetik determinantlarni hisobga olgan holda kompleks profilaktika choralarini (Polipill) qo‘llash o‘tkir ishemik xurujlar xavfini 80% dan ortiqroqqa kamaytirish imkonini beradi.