KK1-1169 - Hkahku jaiwa hte sinpraw dumsa jaiwa lagat hpun majai daw ai (The nat-priests from the Hkahku and eastern regions)

Transcription (La Ring) Ya ngai hkai na lam gaw le moi ndai Hpakant lam de na lagat daw ngu ai kaw na lagat daw mat ai a lam rai na re. Moi ndai nsi du ni gaw moi na rai nga nsi du ni manau dum ai da. Ndai sinpraw hkran de mung shanhte mung kahpu kanau maji la ni wa ma la ni a shaga ai da. Wa ma dumsa kaba ngu ai wa nga ai da. Ndai hka hku mung na wa na gaw dumsa hpa nga kun nga ai law ngai nchye. Dai dai wa she dai wa nga ai da. Rai yang gaw ndai sinpraw dumsa wa hpu nau la wa gaw lawan nsa wa. Shata nhtoi hkrak mung nchye ai. Wo ra hka hku jaiwa wa gaw shawng sa nna she le ra ni sa nau sai da, ndaw yang de ndaw de manau sa nau. Ngut nna she wa yang she ndai sinpraw jaiwa hpu nau la wa gaw wo ra alam shara mi e lagat hpun tu ai yang me e ya sa hkawm ai ni gaw mu ma ai da law. E dai kaw sa du yang she "Ya hkau myit su gaw gara de na" ngu ngai dai hka hku dumsa wa gaw "Ngai yahte le nsi du ni a manau dum nna wa nngai" nga "Aw" "Ya nang gaw deng" nga "E ngai mung dai de nga na sa wa ai wa rai nga nngai le hpu nau nsi du ni manau nau na nga di sa wa ai rai nngai" nga. Rai yang "Ya gaw ngut gaw ngut sai ga wa re" nga she dai sinpraw jaiwa wa gaw "E hkau rai yang naw hkring yu rai yang" nga na she hka wa ndum dumhpyawt la nna she kawa ndum dumhpyawt la nna she hka ja la nna she ndum lahkawng dumhpyawt la. Hka ndum lahkawng ja la nna she "Bai ya nang an nang mung nsi du ni a manau jaiwa nna wa ai re nga yang gaw ndai lagat hpun ndai jawm majai yu ga gai, nang manau dum da na wa ai wa shawng majai yu u" ngu ai da. Shaloi she dai hka hku jaiwa wa gaw shawng majai sai da. Majai majai yang she alap wa yawng raw rai. "Um dai hte ndai hku re" nga dai gaw dai hku alap sha run ai da rai yang she ndai sinpraw hpu nau la wa bai jaiwa jang she jai wa dumsa wa yang she dai hpun mat kaw htawk rap daw mat ai hku rai re nga. E daini du hkra lagat daw ga ngu ai mying lu ai da. Dai shaloi she "E nang na matu gaw le nbang de ngam da ya sai lo" nga yang she dai sinpraw jaiwa wa gaw nbang ga de bai bai sa manau ai da. Dai majaw nsi du ni hting htang manau ngu ai nau ai rai ma ai da. . Language as given: Jinghpaw