O'ZBEK VA INGLIZ TILLARIDA "AYOL" KONSEPTINING KOGNITIV TAHLILI

Mazkur maqolada o'zbek va ingliz tillarida "ayol" konseptining kognitiv tahlili masalasi ko'rib chiqilgan. Tadqiqotning dolzarbligi zamonaviy tilshunoslikda lingvokulturologik va kognitiv yondashuvlarning rivojlanishi bilan belgilanadi. Maqolada "ayol" konseptining olamning lisoniy manzarasidagi voqelanishi, uning leksik-semantik xususiyatlari, metaforik ifodalanishi va milliy-madaniy o'ziga xosliklari tahlil qilingan. Tadqiqot natijalari shuni ko'rsatadiki, har ikki tilda ham "ayol" konsepti biologik jinsiy belgilar bilan bog'liq bo'lsa-da, ijtimoiy rollar, madaniy qadriyatlar va milliy mentalitet ta'sirida turlicha verballashadi.