O'ZBEK VA QORAQALPOQ TILLARIDA ZOONIM ASOSLI FRAZEOLOGIZMLARNING GENDER XUSUSIYATLARI

Ushbu maqola o‘zbek va qoraqalpoq tillaridagi zoonim asosli frazeologizmlarning gender xususiyatlarini qiyosiy-tipologik jihatdan tahlil qilishga bag‘ishlangan. Tadqiqotda har ikki tildagi hayvon nomlari bilan bog‘liq barqaror birikmalarda erkak va ayol jinsiga oid tasvirlarning aks etishi o‘rganiladi. Frazeologizmlar tarkibidagi zoonimlarning semantik va konnotativ ma’nolari, ularning gender stereotiplarini shakllantirishdagi o‘rni ko‘rib chiqiladi. Tahlillar shuni ko‘rsatadiki, madaniy va ijtimoiy omillar til birliklarida jinsiy xususiyatlarning ifodalanishiga sezilarli ta’sir ko‘rsatadi. Maqola o‘zbek va qoraqalpoq frazeologiyasini, gender lingvistikasini hamda qiyosiy tilshunoslikni boyitishga xizmat qiladi.