LEKSIKOLOGIYANI O'QITISHNING MAQSADI, VAZIFALARI, TAMOYILLARI

Mazkur maqolada leksikologiyani o‘qitishning asosiy maqsadi, vazifalari hamda tamoyillari ilmiy-nazariy va amaliy jihatdan tahlil qilinadi. Unda o‘quvchilarda so‘z boyligini oshirish, til birliklarining mazmun-mohiyatini anglash, nutq madaniyatini rivojlantirish kabi ustuvor maqsadlar yoritilgan. Shuningdek, leksikologiyani o‘qitish jarayonida bajarilishi lozim bo‘lgan asosiy vazifalar — lug‘aviy birliklarni to‘g‘ri qo‘llashga o‘rgatish, so‘zlarning ma’no nozikliklarini farqlash, faol va passiv lug‘atni kengaytirish masalalari tahlil etilgan. Maqolada tizimlilik, izchillik, ongli o‘zlashtirish, kommunikativlik va amaliy yo‘naltirilganlik kabi muhim didaktik tamoyillarning ahamiyati asoslab berilgan. Tadqiqot natijalari leksikologiyani samarali o‘qitish orqali o‘quvchilarning til kompetensiyasini oshirishga xizmat qilishi bilan ahamiyatlidir.