LUG'ATLARDA MILLIY MENTALITET AKS ETGAN SO'ZLARNING BERILISH PRINSIPLARI (RUSCHA-O'ZBEKCHA LUG'ATLAR MISOLIDA)

Annotatsiya. Ushbu maqola ikki tilli lug‘atlarda, xususan, ruscha-o‘zbekcha lug‘atlar misolida milliy-madaniy o‘ziga xoslik va mentalitetning aks ettirilishi leksikografik prinsiplarini tadqiq etishga bag‘ishlangan. Har qanday xalqning milliy mentaliteti uning tilida chuqur ildiz otgan bo‘lib, boshqa tillarda to‘g‘ridan-to‘g‘ri ekvivalentga ega bo‘lmagan o‘ziga xos konseptual qatlamlar, realiyalar va lakunalarni hosil qiladi. Maqolada zamonaviy ikki tilli leksikografiyada madaniyatlararo muloqotni ta’minlash uchun sof lisoniy vositalar bilan birga tarjimada bosh so‘zning ma’nosi tushuntirishlar va qo‘shimcha izohlar yordamida berilishi lug‘atning amaliy ahamiyatini oshirishi qayd etilgan.