XURSHID DAVRONNING "SHAHIDLAR SHOHI" QISSASIDA XRONOTOPNING BADIIY-POETIK XUSUSIYATLARI

Ushbu maqolada Xurshid Davronning “Shahidlar shohi” tarixiy-ma’rifiy qissasida xronotopning badiiy-poetik xususiyatlari tahlil qilinadi. Asarda tarixiy voqelik, makon va zamon munosabati, Najmiddin Kubro obrazining ruhiy-ma’rifiy kamolot yo‘li bilan bog‘liq holda ochilishi o‘rganiladi. Qissadagi karvon yo‘li, Gurganch, xonaqo, tush makoni kabi badiiy birliklar xronotopik qatlam sifatida talqin qilinadi. Shuningdek, tarixiy-inqiroz xronotopi, suluk xronotopi, kontrast xronotop, oneirik xronotop va sakral makon kabi shakllarning asar kompozitsiyasidagi vazifasi yoritiladi.