IJTIMOIY TARMOQLARDA NEOLOGIZMLARNING SHAKLLANISH JARAYONI

Ushbu maqolada neologizmlarning ijtimoiy tarmoqlarda shakllanish jarayoni keng yoritilib, internet tili orqali vujudga kelayotgan yangi so‘zlarning paydo bo‘lish sabablari hamda ularning leksik-semantik turlari tahlil qilinadi. Tadqiqot jarayonida Telegram, Instagram va TikTok kabi ommabop platformalaridagi yangi va keng ishlatilayotgan so‘zlar o‘zaro tanlab olinib, ularning shakllanish usullari (o‘zlashma, qisqartma) tahlil qilindi. Shu orqali har bir platformaning o‘ziga xos neologik tizimi aniqlandi. Natijada, internet tili orqali yuzaga kelayotgan neologizmlarning o‘zbek tilidagi o‘rnini va ularning kommunikativ jarayonga ta’sirini aniqlash imkoniyati yaratildi. Mazkur maqola ijtimoiy tarmoqlar tili boyligining kengayishida neologizmlarning o‘rni va ularning kommunikativ jarayonga ta’sirini ilmiy jihatdan yoritib beradi.