LOGISTIKA XIZMATLARINI TASHKIL ETISH VA BOSHQARISH TIZIMI SAMARADORLIGINI BAHOLASH MEZONLARI: MILLIY VA XALQARO TAJRIBA TAHLILI

Mazkur maqolada logistika xizmatlarini tashkil etish va boshqarish tizimi samaradorligini baholashning ilmiy-metodologik asoslari, milliy va xalqaro amaliyotda qoʻllaniladigan mezonlar tizimi qiyosiy tahlil qilinadi. Tadqiqotda Jahon banki tomonidan ishlab chiqilgan Logistika samaradorligi indeksi (LPI) metodologiyasi asosida Oʻzbekiston va Markaziy Osiyo mintaqasi davlatlarining koʻrsatkichlari solishtiriladi, mezonlarni iqtisodiy, texnik-texnologik, tashkiliy-boshqaruv, ijtimoiy-ekologik va raqamli-axborot guruhlariga tizimlashtirish taklif etiladi. Tadqiqot natijalari milliy logistika tizimining raqobatbardoshligini oshirish, xalqaro standartlarga moslashtirish boʻyicha amaliy tavsiyalar ishlab chiqishga xizmat qiladi.