PUL MASSASINI TARTIBGA SOLISH MEXANIZMLARI VA IQTISODIY O'SISH

Mazkur maqolada pul massasini tartibga solish mexanizmlarining iqtisodiy o‘sishga ta’siri nazariy va amaliy jihatdan tahlil qilinadi. Tadqiqot doirasida Markaziy bank tomonidan qo‘llaniladigan asosiy monetar instrumentlar — foiz stavkalari siyosati, ochiq bozor operatsiyalari, majburiy zaxira me’yorlari hamda kreditlash kanali orqali iqtisodiy faollikka ta’sir ko‘rsatish mexanizmlari o‘rganilgan. Shuningdek, pul massasining optimal darajasini ta’minlash orqali makroiqtisodiy barqarorlikni mustahkamlash, inflyatsiya jarayonlarini nazorat qilish va barqaror iqtisodiy o‘sishni rag‘batlantirish masalalariga alohida e’tibor qaratilgan.