INGLIZ BADIIY MATNIDAGI TEMPORAL BIRLIKLARNING O'ZBEKCHA TARJIMADA MORFOLOGIK VA SINTAKTIK QAYTA SHAKLLANISHI (THE GREAT GATSBY ROMANI MISOLIDA)

Maqolada F. Skott Fitsjeraldning “The Great Gatsby” romani va uning o‘zbekcha Buyuk Getsbi tarjimasidagi temporal birliklarning morfologik va sintaktik xususiyatlari qiyosiy tahlil qilinadi. Tadqiqotda inglizcha original va o‘zbekcha tarjimadagi to‘liq gaplar parallel shaklda o‘rganilib, vaqt ma’nosini ifodalovchi grammatik vositalar hamda ularning tarjimada qayta shakllanishi aniqlanadi. Tahlil ingliz tilida temporallik predlogli birikmalar, ravishlar, bog‘lovchili predikativ konstruktsiyalar va ot birikmalari orqali ifodalanishini, o‘zbekcha tarjimada esa o‘rin-payt kelishigi, ravishdosh, sifatdosh, temporal ot birikmalari va analitik konstruktsiyalar faol qo‘llanishini ko‘rsatadi. Natijalar temporal semantika saqlangan holatlarda ham uning morfologik va sintaktik shakli tillarning tipologik xususiyatlariga muvofiq o‘zgarishini ko‘rsatadi.