MUSTAQILLIK - 35 YILLIK BUYUK TARAQQIYOT YO'LI: KECHADAN KELAJAK SARI

Ushbu maqola O‘zbekiston Respublikasi davlat mustaqilligining 35 yilligiga bag‘ishlanadi. Unda 1991-yil 31-avgustda O‘zbekiston Respublikasining davlat mustaqilligi e’lon qilinganidan buyon o‘tgan 35 yillik tarixiy davr, mamlakatimizda milliy davlatchilik asoslarining shakllanishi, siyosiy, huquqiy, iqtisodiy va ijtimoiy sohalarda amalga oshirilgan keng ko‘lamli islohotlar tahlil qilinadi. Shuningdek, mustaqillik yillarida milliy qadriyatlarning tiklanishi, ta’lim va ilm-fan rivoji, yoshlar siyosati, tadbirkorlik va xususiy sektorning shakllanishi, zamonaviy infratuzilmaning rivojlantirilishi, mamlakat mudofaa va xavfsizlik salohiyatining mustahkamlanishi hamda O‘zbekistonning xalqaro maydondagi nufuzi yuksalishi haqida fikr yuritiladi. Maqolada so‘nggi yillarda “Yangi O‘zbekiston” g‘oyasi asosida amalga oshirilayotgan islohotlar mustaqillik taraqqiyotining mantiqiy davomi sifatida baholanadi. 35 yillik mustaqillik yo‘li O‘zbekistonning tarixiy tajribasi, bugungi imkoniyatlari va kelajakdagi taraqqiyot istiqbollari nuqtayi nazaridan yoritiladi.