ICHKI VA TASHQI MIGRATSIYA JARAYONLARINING KRIMINOGEN VAZIYATGA TA'SIRI: TIZIMLI TAHLIL VA ZAMONAVIY TENDENSIYALAR

Mazkur maqolada ichki va tashqi migratsiya jarayonlarining kriminogen vaziyatga ta'siri zamonaviy kriminologik yondashuvlar asosida tizimli tahlil qilinadi. Aholining hududiy harakatchanligi iqtisodiy, ijtimoiy va demografik rivojlanishning muhim omillaridan biri bo‘lishiga qaramay, migratsiya jarayonlari ayrim sharoitlarda jinoyatchilikning o‘zgarishi, ijtimoiy moslashuv muammolari, noqonuniy mehnat bozori shakllanishi, transmilliy uyushgan jinoyatchilik va odam savdosi kabi salbiy hodisalarning kuchayishiga ham sabab bo‘lishi mumkin. Tadqiqotda tizimli tahlil, qiyosiy-huquqiy, statistik va kontent-tahlil metodlari qo‘llanilib, xalqaro tashkilotlar hamda xorijiy davlatlar tajribasi o‘rganildi. Shuningdek, O‘zbekiston Respublikasida migratsiya siyosatining rivojlanishi va uning kriminologik xavfsizlikni ta'minlashdagi o‘rni baholandi. Tadqiqot natijasida migratsiya va jinoyatchilik o‘rtasidagi bog‘liqlik bevosita emasligi, balki ijtimoiy-iqtisodiy omillar, bandlik darajasi, urbanizatsiya, huquqiy nazorat hamda migrantlarning integratsiyalashuv darajasi orqali shakllanishi ilmiy asoslandi. Muallif tomonidan migratsiya xavflarini prognozlash, raqamli monitoringni kuchaytirish, profilaktika tizimini takomillashtirish va davlat organlari o‘rtasidagi institutsional hamkorlikni rivojlantirishga qaratilgan amaliy takliflar ishlab chiqildi.