JINOYAT PROTSESSIDA XABEAS KORPUS INSTITUTINING NAZARIY-HUQUQIY ASOSLARI VA UNI TAKOMILLASHTIRISH YO'LLARI

Mazkur tezisda jinoyat protsessida xabeas korpus institutining nazariy-huquqiy mohiyati, uning shaxsning huquq va erkinliklarini ta’minlashdagi o‘rni, sud nazoratining shakli sifatidagi ahamiyati hamda jinoyat protsessida protsessual majburlov choralarini qo‘llash bilan bog‘liq masalalar tahlil qilinadi. Xabeas korpus institutining shaxs erkinligi va shaxsiy daxlsizligini ta’minlash, davlatning protsessual majburlov vakolatlarini sud orqali cheklash hamda himoya tarafining protsessual imkoniyatlarini kengaytirishdagi ahamiyatiga alohida e’tibor qaratiladi. Shuningdek, mazkur institutni qo‘llash amaliyotidagi ayrim muammolar aniqlanib, sud nazoratining samaradorligini oshirish, himoyachi ishtirokini kuchaytirish, qamoqqa olishga muqobil choralarni qo‘llash va sud qarorlarini asoslantirish mexanizmlarini takomillashtirish bo‘yicha ilmiy takliflar ilgari suriladi..