BOLALARDA YO'G'ON ICHAKNING UZAYISHI VA FIKSATSIYA BUZILISHIDA MIKROSIRKULYATOR BUZILISHLARNING PATOGENETIK ROLI
收藏资源简介：
Bolalarda yo‘g‘on ichakning uzayishi va fiksatsiya buzilishi bilan kechuvchi holatlarda ichak devorida yuzaga keladigan mikrosirkulyator buzilishlar kasallik patogenezida yetakchi o‘rinlardan birini egallaydi [4–6]. Amaliyotda ushbu patologiya ko‘pincha ich qotishi, qorin og‘rig‘i, meteorizm va ichak faoliyatining barqaror buzilishi bilan namoyon bo‘ladi [3,9]. Klinik belgilar ko‘p hollarda funksional ichak kasalliklari sifatida baholanib, ichak devorida kechayotgan tomir va trofik o‘zgarishlarga yetarlicha e’tibor berilmaydi [3,7]. Ichak devorining qon bilan ta’minlanishi buzilishi natijasida to‘qimalarda gipoksiya, metabolik disbalans va degenerativ jarayonlar rivojlanadi [5,9]. Bu esa mushak va shilliq qavat funksiyasining izdan chiqishiga, ichak motorikasining pasayishiga hamda konservativ davolash samaradorligining kamayishiga olib keladi [2,10]. Shu sababli yo‘g‘on ichakning uzayishi va fiksatsiya buzilishida mikrosirkulyator buzilishlarning patogenetik rolini chuqur tahlil qilish dolzarb hisoblanadi [4,6].
