INGLIZ TILI DARSLARIDA AUTENTIK VIDEOMATERIALLARDAN FOYDALANISHNING AFZALLIKLARI

Mazkur tezis ingliz tili darslarida autentik videomateriallardan foydalanishning pedagogik, lingvistik va metodik afzalliklarini o‘rganishga bag‘ishlangan. Tadqiqotda autentik videolarning talabalarning tinglab tushunish, so‘zlashuv, talaffuz, lug‘at boyligi hamda madaniyatlararo kommunikativ kompetensiyalarini rivojlantirishdagi o‘rni tahlil qilinadi. Shuningdek, videomateriallarning o‘quvchilarning motivatsiyasini oshirish va real til muhitini yaratishdagi ahamiyati yoritiladi. Tadqiqot natijalari autentik videomateriallardan samarali foydalanish chet tilini o‘qitish sifatini sezilarli darajada yaxshilashini ko‘rsatadi.