MAHALLIY XOMASHYO ASOSIDA SAMARALI DORI VOSITASINI ISHLAB CHIQISH

Dorivor o’simlik preparatlari murakkab tarkib va turli xil xususiyatlarga ega, shuning uchun ularni ishlab chiqarishda alohida e’tibor dastlabki materiallar, saqlash sharoitlari va qayta ishlash sharoitlariga qaratilishi kerak.  Dastlabki material bu dorivor o’simlik xom ashyosidir. Uning sifati talab darajasida bo’lib, ular ta’minlovchi tomonidan tegishli tartibda taqdim etilishi kerak.  Ma’lumki o’simlik xom ashyosi sifatiga turli xil omillar (terish vaqti, quritish usuli, tuproq sifati va b.) ta’sir ko’rsatadi, shu sababli sifatni ta’minlash maqsadida o’simlikni o’stirish usuli haqida batafsil ma’lumot talab etilishi mumkin.