"SADDI ISKANDARIY" VA "ISKANDARNOMA" DOSTONLARI KOMPOZITSIYASIDA AN'ANAVIYLIK VA IJODIY YONDASHUV

Maqolada Alisher Navoiyning “Saddi Iskandariy” hamda Ahmadiyning “Iskandarnoma” dostonlari kompozitsiyasida an'anaviylik va ijodiy yondashuv masalalari tahlil qilinadi. Asosiy e'tibor debocha qismlarining umumiy kompozitsion modeli, mualliflarning badiiy-estetik va didaktik-ma'rifiy pozitsiyasi, shuningdek, dostonlar tarkibidagi lirik, epik va ramziy qatlamlarning oʻzaro nisbatiga qaratiladi. Qiyosiy tahlil asosida Navoiy dostonida falsafiy-axloqiy konsepsiya, Ahmadiy dostonida esa epik-didaktik bayon yetakchi oʻrin tutishi asoslanadi.