ЭКСПЕРИМЕНТАЛ ЙИРИНГЛИ-ЯЛЛИҒЛАНИШ ФОНИДА ТИМУСНИНГ МОРФОЛОГИК ҲАМДА ИММУНОГИСТОКИМЁВИЙ ТРАНСФОРМАЦИЯСИ

Одам организми иммун тизими энг реактив тизимлардан бири бўлиб, физик, кимёвий ва биологик омиллар таъсирига энг эрта босқичларда тез жавоб беради. Турли патология олди ва патологик ҳолатлар, шу жумладан йирингли-яллиғланиш касалликлари, уларнинг қўзғатувчилари таъсирида иммун тизими, унинг марказий аъзоси бўлган тимусдаги турли ўзгаришлар даражасини аниқлаш ва баҳолаш муҳим аҳамият касб этади. Аниқланишича, “тимусдаги морфологик ўзгаришлар даражаси тимуснинг, шу жумладан организм иммун тизими фаолиятининг пасайишига олиб келиши исботлаб берилган”. Микроб этиологияли йирингли-яллиғланиш жараёнларининг шаклланиши ва ривожланиши даврида тимусдаги структуравий ўзгаришларнинг ўзига хос хусусиятлари охиригача аниқланмагани боис бу йўналишдаги морфологик ўзгаришлар ўз долзарблигини йўқотмаган.