VODOROD ENERGETIKASIDA PLATINA O'RNINI BOSUVCHI ARZON NIKEL-KOBALT (Ni-Co) ASOSIDAGI ELEKTROD KATALIZATORLARINING SINTEZI VA TADQIQI

Vodorod energetikasining jadal rivojlanishi suv elektrolizi jarayonida yuqori samaradorlikka ega bo'lgan elektrod katalizatorlarini yaratishni taqozo etmoqda. Hozirgi kunda sanoatda eng keng qo'llaniladigan katalizator - platina (Pt) bo'lib, u vodorod ajralish reaksiyasida (Hydrogen Evolution Reaction - HER) yuqori aktivlikka ega. Biroq platinaning tabiatda kamyobligi va narxining juda yuqoriligi vodorod texnologiyalarini keng miqyosda tijoratlashtirishga sezilarli to'siq bo'lmoqda. Shu sababli so'nggi yillarda platinaga muqobil, arzon va keng tarqalgan metallar asosidagi katalizatorlarni ishlab chiqish yo'nalishi ilmiy doiralarda alohida qiziqish uyg'otmoqda. Nikel-kobalt (Ni-Co) asosidagi kompozitsion materiallar ushbu borada eng istiqbolli nomzodlardan biri hisoblanib, ularning sintezi, tuzilishi va elektrokatalitik xususiyatlarini chuqur o'rganish zamonaviy materialshunoslik va elektrokimyo sohasining dolzarb vazifalaridan biriga aylangan.