KOKILDOR XONAQOHI: TARIXIY VA ME'MORIY TAHLIL

Mazkur maqolada Termiz tumanida joylashgan Kokildor xonaqohining tarixiy shakllanishi, funksional ahamiyati va me’moriy xususiyatlari ilmiy jihatdan tahlil qilingan. Tadqiqotda xonaqohning XVI asrda Shayboniylar sulolasi davrida, xususan Abdullaxon II hukmronligi paytida barpo etilgani asoslanadi. Shuningdek, xonaqohlarning so‘fizm an’analari bilan bog‘liq ravishda shakllangani, ularning ijtimoiy-diniy hayotdagi o‘rni va ko‘p funksiyali inshoot sifatidagi roli yoritib berilgan. Maqolada Kokildor xonaqohining rejaviy tuzilishi, markaziy gumbazli zal, hujralar tizimi, peshtoq va ganchkorlik bezaklari kabi me’moriy elementlari tahlil qilinib, ular Markaziy Osiyo xonaqohlari an’analari doirasida baholanadi. Shu bilan birga, inshootning nafaqat diniy markaz, balki ziyoratgoh, mehmonxona va ma’rifiy muassasa sifatida xizmat qilgani ilmiy asosda ko‘rsatib o‘tilgan. Tadqiqot natijalari Kokildor xonaqohining o‘rta asrlar Markaziy Osiyo me’morchiligidagi o‘rni va ahamiyatini ochib berishga xizmat qiladi.