ONKOLOGIK BEMORLARDA KIMYOTERAPIYADAN KEYINGI KO'NGIL AYNISHI VA QUSISHNI BARTARAF ETISHNING ZAMONAVIY SXEMALARI

Kimyoterapiya bilan bog‘liq ko‘ngil aynishi va qusish (Chemotherapy-Induced Nausea and Vomiting — CINV) onkologik bemorlarning hayot sifatini sezilarli darajada pasaytiruvchi eng muhim nojo‘ya ta'sirlardan biridir. So‘nggi yillarda antiemetik terapiya bo‘yicha xalqaro tavsiyalar yangilanib, 5-NT3 retseptor antagonistlari, NK1 retseptor antagonistlari, deksametazon hamda olanzapin asosidagi kombinatsiyalangan davolash sxemalari keng qo‘llanila boshlandi. Ushbu maqolada kimyoterapiyadan keyingi ko‘ngil aynishi va qusishning rivojlanish mexanizmlari, xavf omillari, zamonaviy profilaktika va davolash sxemalari hamda ularning klinik samaradorligi tahlil qilinadi. Tadqiqot natijalari zamonaviy antiemetik protokollarni individual xavf omillarini hisobga olgan holda qo‘llash CINV nazoratini yaxshilashi, bemorlarning davolanishga sodiqligini oshirishi va hayot sifatini sezilarli darajada yaxshilashini ko‘rsatadi.