QON — SUYUQ BIRIKTIRUVCHI TO'QIMA SIFATIDA

Qon organizmning ichki muhitini tashkil etuvchi, suyuq biriktiruvchi to‘qima sifatida ko‘plab fiziologik jarayonlarda ishtirok etadigan murakkab biologik tizimdir. Uning tarkibiga plazma va shaklli elementlar — eritrotsitlar, leykotsitlar hamda trombotsitlar kiradi. Qonning suyuq holatda bo‘lishi uning tarkibiy qismlarining organizm bo‘ylab harakatlanishini va turli a’zolar o‘rtasida moddalar almashinuvini ta’minlaydi. Mazkur maqolada qonning gistologik tuzilishi, hujayraviy tarkibi, hujayralararo moddasi, asosiy funksiyalari hamda suyuq biriktiruvchi to‘qima sifatidagi morfofunksional xususiyatlari tahlil qilindi. Qonning transport, trofik, himoya, gumoral-regulyator va gomeostatik funksiyalari uning organizm hayot faoliyatidagi muhim o‘rnini belgilashi aniqlandi.