O'QUVCHILARDA AXBOROT MADANIYATINI SHAKLLANTIRISHNING PEDAGOGIK ASOSLARI

Ma’lumki, bugungi kunda texnologiya, texnika va axborot shiddat bilan rivojlanmoqda. Texnologiya nafaqat kattalarning balki, o’quvchi yoshlarning ham kundalik hayotiga chuqur kirib keldi. Ayniqsa, katta-yu kichikning qo’lidagi smartfonlar barchani birdek o’z og’ushiga tortmoqda. O’quvchi yoshlarda hali axborotni filtrlash ko’nikmasi shakllanmagani hisobiga ularda axborot madaniyatini shakllantirish dolzarb pedagogik muammo hisoblanadi. Bugungi kunda o’quvchilar nafaqat bilim oluvchi, balki katta hajmdagi axborotni qabul qiluvchi, tahlil qiluvchi va tarqatuvchi subyektga aylandi. Axborot madaniyati esa izlash, saralash, tahlil qilish va maqsadli foydalanish ko’nikmalarini o’z ichiga oladi. O’quvchi kerakli ma’lumotni topishi uchun avvalo ishonchli manbaalarni bilishi lozim, zero, kunimizda kerakli axborot kamligi emas, keraksiz ma’lumotlarning ko’pligi muammodir.