O'ZBEKISTON XALQ ARTISTI TAVAKKAL QODIROV IJODIY FAOLIYATINING ILMIY-NAZARIY TAHLILI

Ushbu maqolada O‘zbekiston xalq artisti Tavakkal Qodirov ijodiy faoliyatining o‘zbek milliy musiqa san’ati, xususan, qo‘shiqchilik maktabi rivojidagi o‘rni ilmiy-nazariy jihatdan tahlil qilinadi. Maqolada san’atkor ijrosiga xos bo‘lgan an’anaviylik, milliy ruh, sahnaviy ifoda, intonatsion barqarorlik hamda emotsional-obrazli talqin xususiyatlari yoritilgan. Tavakkal Qodirovning ijodiy merosi o‘zbek xalq qo‘shiqchiligi, milliy ijrochilik madaniyati va yosh avlod estetik tarbiyasiga ta’siri nuqtayi nazaridan baholanadi. Shuningdek, maqolada san’atkor ijrosining ma’naviy-ma’rifiy, ijtimoiy-tarbiyaviy va madaniy ahamiyati ochib berilib, uning ijodiy faoliyati an’ana va zamonaviylik uyg‘unligini namoyon etuvchi muhim badiiy hodisa sifatida talqin etiladi.