QIZ BOLALARDA ENDOKRIN KASALLIKLARNI ERTA ANIQLASHDA ULTRATOVUSH DIAGNOSTIKASI VA GORMONAL PROFIL O'RTASIDAGI BOG'LIQLIK

Mazkur maqolada qiz bolalarda endokrin kasalliklarni erta aniqlashda ultratovush diagnostikasi va gormonal profil ko‘rsatkichlarining o‘zaro bog‘liqligi tahlil qilingan. Tadqiqotda reproduktiv tizim, qalqonsimon bez va gipotalamus-gipofiz-tuxumdon tizimida yuzaga keladigan funksional hamda morfologik o‘zgarishlarni aniqlash imkoniyatlari yoritilgan. LH, FSH, estradiol, progesteron, testosteron, TSH va erkin T4 kabi gormonal markerlarning diagnostik ahamiyati ko‘rib chiqilgan. Shuningdek, bachadon, tuxumdonlar va qalqonsimon bez ultratovush ko‘rsatkichlarini laborator natijalar bilan birgalikda baholashning afzalliklari asoslangan. Erta balog‘atga yetish, giperandrogenizm, hayz sikli buzilishlari, qalqonsimon bez disfunksiyasi hamda tuxumdon faoliyati buzilishlarini aniqlashda kompleks diagnostik yondashuv muhimligi ko‘rsatib berilgan. UTT morfologik holatni, gormonal profil esa endokrin tizimning funksional faolligini aks ettirishi sababli, ushbu usullarni uyg‘un qo‘llash erta tashxisning aniqligini oshirishga xizmat qiladi.