JAMOAT TRANSPORTI SOHASIDA DAVLAT TARTIBGA SOLISH SIYOSATI: HAYDOVCHILARNI REYTING BAHOLASH TIZIMINI JORIY ETISH ORQALI XIZMAT SIFATINI OSHIRISH

Mazkur maqolada Oʻzbekiston Respublikasida jamoat transporti sohasida davlat tartibga solish siyosatining zamonaviy yoʻnalishlari tahlil qilinadi hamda haydovchilarni reyting asosida baholash tizimini joriy etish orqali transport xizmatlari sifatini oshirish imkoniyatlari ilmiy asoslanadi. Tadqiqotda normativ-huquqiy hujjatlar, davlat boshqaruvi tamoyillari va xalqaro ilmiy adabiyotlar qiyosiy tahlil qilinib, haydovchilar faoliyatini kompleks baholash modeli ishlab chiqildi. Taklif etilayotgan model yoʻl harakati qoidalariga rioya etish, xizmat koʻrsatish madaniyati, yoʻlovchilar fikri, mehnat intizomi va raqamli monitoring koʻrsatkichlarini yagona reyting tizimida birlashtirishga asoslanadi. Tadqiqot natijalari haydovchilar faoliyatini natijadorlikka yoʻnaltirilgan baholash davlat nazoratining samaradorligini oshirish, xizmatlar sifatini yaxshilash hamda yoʻlovchilar qoniqishini ta'minlashga xizmat qilishini koʻrsatadi. Shuningdek, reyting natijalarini litsenziyalash, malaka oshirish va ragʻbatlantirish tizimlari bilan integratsiyalash boʻyicha amaliy tavsiyalar ishlab chiqilgan.